bokasafn-olfus-is

Upplýsingar um stjörnustæla og varavæl

Fri, 10 Apr 2026 12:06:35 GMT

Stjörnustælar og varavæl!

Sláðu í gegn í Versölum á Sumardaginn fyrsta, þá fer fram stórskemmtileg keppni í varavæli („lip sync“) og sviðsframkomu, þar sem þú færð að verða poppstjarna í smá stund. Þetta er alls ekki söngkeppni, þú þarft bara að velja þitt uppáhaldslag, klæða þig upp og túlka það á þinn eigin, frábæra hátt.

Dómnefndin horfir á leikgleði, búninga, sviðsframkomu og frumlega túlkun, svo það er um að gera að sleppa sköpunargleðinni lausri!

Skráning og frekari upplýsingar fást á Bæjarbókasafni Ölfuss eða með því að senda póst á bokasafn@olfus.is.

Lengri skilafrestur vegna ljósmyndakeppni Barnamenningardaga!

Tue, 07 Apr 2026 14:46:06 GMT

Lengri skilafrestur í ljósmyndakeppninni!

Skilafrestur vegna ljósmyndakeppninnar hefur verið lengdur til sunnudagsins 12. apríl, vonandi verður veðrið samvinnuþýðara svo sem flest komist út til að taka myndir!

Barnamenningardagar á Suðurlandi!

Wed, 01 Apr 2026 14:29:45 GMT

Barnamenningardagar á Suðurlandi!

Nú stendur yfir undirbúningur fyrir Barnamenningardaga sem öll sveitarfélög á Suðurlandi taka þátt í, með stuðningi SASS. Af þessu tilefni verða ýmsir viðburðir í boði dagana 20.–23. apríl og verður hápunkturinn skemmtileg fjölskyldudagskrá á sumardaginn fyrsta.

Í tengslum við Barnamenningardaga stendur nú yfir ljósmyndakeppni. Nánari upplýsingar má finna á olfus.is og bokasafn.olfus.is. Það er kjörið að nýta páskafríið til að taka skemmtilegar myndir af sveitarfélaginu okkar, en skilafrestur er til 7. apríl.

Verið er að leggja lokahönd á dagskrána og hvetjum við alla til að gefa sér þá sumargjöf að eiga notalegar og skapandi stundir með börnunum. Meðal þess sem verður í boði er myndlistarsýning barna, smámunalistsköpun fyrir alla, tungumálakaffi, sundlaugarpartí, lautarferð í skrúðgarðinum, sögustund og hæfileikakeppnin Stjörnustælar!

Fylgist með – dagskráin er á leiðinni!

Barnamenningardagar hefjast með ljósmyndakeppni

Tue, 24 Mar 2026 09:55:32 GMT

This is a subtitle for your new post

The body content of your post goes here. To edit this text, click on it and delete this default text and start typing your own or paste your own from a different source.

Turn í orlofi

Tue, 27 Jan 2026 12:58:26 GMT

Turninn í tímabundnu fríi

Turninn í barnadeildinni hefur notið gríðarlegra vinsælda í gegnum tíðina og hafa þær ekkert dvínað. Hann er nú í tímabundnu orlofi þar sem hann undirgegnst létt viðhald en hann snýr aftur að því loknu og mun halda áfram að gleðja yngri gesti bókasafnsins í framtíðinni.

Skiptimarkaður í Versölum

Tue, 27 Jan 2026 12:44:31 GMT

Viltu skipta út gömlu öskudagsbúningum fyrir nýja?

Það styttist í öskudaginn og því kjörið að nýta tækifærið til að skiptast á búningum fyrir börnin á skiptimarkaði sem haldinn verður í Versölum fimmtudaginn 4. febrúar á milli kl. 17 og 20. Hægt er að koma með alls kyns varning sem nýtist ekki lengur á heimilinu t.d. fatnað, skó, íþróttabúnað, húsgögn, raftæki, bækur og annað sem fólk er tilbúið að gefa eða skipta út fyrir eitthvað annað. Hver og einn er svo ábyrgur fyrir því að taka saman á sínu svæði að markaðinum loknum.

Það er ókeypis að taka þátt og hægt er að bóka pláss á bokasafn@olfus.is